Ecc 9 | Ndebele | STEP | Ngoba konke lokhu ngakubeka enhliziyweni yami ukuhlolisisa konke lokhu , ukuthi abalungileyo labahlakaniphileyo lezenzo zabo kusesandleni sikaNkulunkulu ; loba uthando kumbe inzondo, kakho umuntu okwaziyo, konke okuphambi kwabo .

Ecclesiastes 9

1 Ngoba konke lokhu ngakubeka enhliziyweni yami ukuhlolisisa konke lokhu ^a, ukuthi abalungileyo labahlakaniphileyo lezenzo zabo kusesandleni sikaNkulunkulu ^b; loba uthando kumbe inzondo, kakho umuntu okwaziyo, konke okuphambi kwabo ^c. 2 Konke kwehla ngokufananayo kubo bonke ^d; sinye isehlakalo kolungileyo lakomubi, komuhle, lakohlambulukileyo lakongahlambulukanga, lakonikela umhlatshelo lakonganikeli umhlatshelo ^e; njengolungileyo sinjalo isoni, ofungayo njengowesaba isifungo ^f. 3 Yilobu ububi phakathi kwakho konke okwenziwa ngaphansi kwelanga, ukuthi sinye isehlakalo kukho konke ^g, futhi lenhliziyo yabantwana babantu igcwele ububi, lobuhlanya busenhliziyweni yabo besaphila, lemva kwalokhu baya kwabafileyo ^h.

4 Ngoba kulowo ohlanganiswe labo bonke abaphilayo kulethemba, ngoba inja ephilayo ingcono kulesilwane esifileyo. 5 Ngoba abaphilayo bayazi ukuthi bazakufa, kodwa abafileyo kabazi lutho, njalo kabaselawo umvuzo ⁱ, ngoba ukukhunjulwa kwabo sekukhohlakele ^j. 6 Futhi uthando lwabo lenzondo yabo lomona wabo sekubhubhile, njalo kabasayikuba lesabelo laphakade kukho konke okwenziwayo ngaphansi kwelanga ^k.

7 Hamba, udle ukudla kwakho ngentokozo, unathe iwayini lakho ngenhliziyo elenjabulo ^l, ngoba uNkulunkulu ^m usethokozile ngemisebenzi yakho ⁿ. 8 Izigqoko zakho kazibe ngezimhlophe ngesikhathi sonke ^o, lamafutha angasweleki ekhanda lakho ^p. 9 Kholisa impilo lomkakho omthandayo zonke izinsuku zempilo yakho eyize akunike yona ngaphansi kwelanga, zonke izinsuku zakho eziyize ^q, ngoba lesi yisabelo sakho empilweni, lemtshikatshikeni owutshikatshika ngaphansi kwelanga ^r. 10 Loba kuyini isandla sakho esikutholayo ukukwenza ^s kwenze ngamandla akho ^t, ngoba kawukho umsebenzi lecebo lolwazi lenhlakanipho engcwabeni lapho oya khona ^u.

11 Ngaphenduka ngabona ngaphansi kwelanga ^v ukuthi umjaho kawusiwabalejubane ^w, lempi kayisiyamaqhawe, futhi lesinkwa kasisabahlakaniphileyo ^x, futhi lenotho kayisiyabalolwazi, futhi lomusa kawusiwezingcitshi ^y, kodwa isikhathi lesehlakalo ^z kwehlela bonke ^aa. 12 Ngoba futhi umuntu kasazi isikhathi sakhe ^ab; njengenhlanzi ezibanjwa embuleni elibi ^ac, lanjengezinyoni ezibanjwa emjibileni ^ad, njengazo abantwana babantu bayabanjwa esikhathini esibi, lapho sibajuma ^ae.

13 Lale inhlakanipho ngayibona ngaphansi kwelanga, njalo yaba nkulu kimi. 14 Kwakukhona umuzi omncinyane, okwakulabantu abalutshwana phakathi kwawo; kwasekusiza inkosi enkulu kuwo, yawuvimbezela ^af, yawakhela amadundulu amakhulu okuvimbezela ^ag. 15 Kwasekutholakala phakathi kwawo umuntu ohlakaniphileyo ongumyanga ^ah, yena-ke ngenhlakanipho yakhe wawukhulula lowomuzi ^ai. Kanti kakho owake wamkhumbula lowomuntu ongumyanga ^aj. 16 Mina ngasengisithi: Inhlakanipho ingcono kulamandla ^ak, lanxa ukuhlakanipha komyanga kuseyiswa ^{al
,} ^am lamazwi akhe engalalelwa. 17 Amazwi abahlakaniphileyo azwiwa ekupholeni ngcono kulokumemeza kobusayo phakathi kwezithutha ^an. 18 Inhlakanipho ingcono kulezikhali zempi ^ao, kodwa isoni esisodwa sichitha ubuhle obunengi ^ap.